တစ်ခါတုန်းက..........အလင်းမရှိဘဲ မှောင်နေတဲ့ အခန်းတစ်ခန်းထဲမှာ ဖယောင်းတိုင်ကလေး (၅)တိုင်ရှိတယ်။ အဲဒီ ဖယောင်းတိုင်တွေမှာ အလင်းကိုယ်စီနဲ့ပေါ့။ ဖယောင်းတိုင် (၅)တိုင်ရဲ့အလင်းအားကြောင့် မှောင်မည်းနေတဲ့အခန်းဟာ လင်းထိန်နေတော့တယ်။ ဒီအခန်းထဲကို လေပြေပျော့လေး တိုက်ခတ်နေသတဲ့။ တစ်ခါတစ်ခါမှာ လေဟာပြင်းသွားလိုက်၊ တစ်ခါတစ်ခါမှာ လေဟာ ငြိမ်သွားလိုက်နဲ့ပေ့ါ။ လေတစ်ချက်အဝေ့မှာ ဖယောင်းတိုင်လေး တစ်တိုင် မီးငြိမ်းသွားတယ်။ အခန်းဟာအလင်းအား နည်းနည်းလျော့သွားတယ်။ အဲ့ဒီဖယောင်းတိုင်လေးကို ''အချစ်'' လို့နာမည်ပေးကြည့်ရအောင်။ ''အချစ်ဆိုတဲ့ အလင်းအားလေး'' လျော့သွားတော့ အခန်းဟာနည်းနည်းလေး မှောင်သွားတယ်။ နောက်ထပ် လေအဝေ့မှာ ဒုတိယ ဖယောင်းတိုင်လေး မီးငြိမ်းသွားပြန်တယ်။ အဲဒီဖယောင်းတိုင်လေးကို ''သံယောဇဉ်'' လို့ နာမည်ပေးကြည့်ရအောင်။ ဒီအခန်းထဲမှာ ''အချစ်'' ဆိုတဲ့ အလင်းရောင်ရယ်၊ ''သံယောဇဉ်'' ဆိုတဲ့ အလင်းရောင်ရယ် မရှိတော့ဘူး။ အခန်းဟာ အမှောင်ထုကြီးစိုးလာတော့တယ်။ ဒီလိုနဲ့ နောက်ထပ် '''လေတစ်ချက်'' အဝေ့မှာ တတိယ ဖယောင်းတိုင်လေး ငြိမ်းသွားပြန်တယ်။ အဲဒီဖယောင်းတိုင်လေးကို ''မေတ္တာတရား'' လို့ နာမည်ပေးကြည့်ရအောင်။ ဒီလိုပဲ... နောက်ထပ် လေအဝေ့တစ်ချက်မှာ စတုတ္ထဖယောင်းတိုင်လေး ငြိမ်းသွားပြန်တယ်။ ဒီဖယောင်းတိုင်လေးကိုတော့ ''ကရုဏာ တရား'' လို့ နာမည်ပေးကြည့်ရအောင်။ ဖယောင်းတိုင် (၅)တိုင် အလင်းအားရှိတဲ့ ဒီအခန်းဟာ ဖယောင်းတိုင် (၁)တိုင်မျှသာ အလင်းအားရှိတော့တယ်။ ဒီနောက်ဆုံး ဖယောင်းတိုင်လေးသာ လေအဝေ့မှာ မီးညွန့်ကလေးငြိမ်းသွားခဲ့ရင် ဒီတစ်ခန်းလုံး မှောင်မည်းသွားတော့မှာပါပဲ။
ဖြစ်ချင်တော့ ဒီအခန်းထဲကို လူတစ်ယောက် ရောက်လာတယ်။ ''အခန်းကြီးက မှောင်းမည်းနေတာပဲ။ တော်သေးတာပေါ့။ ဖယောင်းတိုင်လေးတစ်တိုင်လင်းနေသေးလို့'' ပြောပြောဆိုဆို ဖယောင်းတိုင်ရဲ့ မီးညွန့်ကို လက်ဝါးလေးနဲ့ ကာလိုက်တယ်။ အလင်းရောင် မှိန်ပျပျအောက်မှာ မီးငြိမ်းနေတဲ့ ဖယောင်းတိုင် (၄)တိုင်ကိုတွေ့သွားတယ်။ ချက်ချင်းဆိုသလိုပဲ နောက်ဆုံးကျန်နေတဲ့ ဖယောင်းတိုင်ရဲ့ မီးညွန့်ကိုကူးပြီး မီးငြိမ်းသွားခဲ့တဲ့ ဖယောင်းတိုင်လေးတွေကို မီးကူးပေးလိုက်တယ်။ ဒီအခန်းက အရင်အတိုင်းပဲ ပြန်ပြီးလင်းထိန်သွားပါတော့တယ်။
စာဖတ်သူကို မေးပါရစေ......ဒီနောက်ဆုံးကျန်တဲ့ ဖယောင်းတိုင်လေးကို ကျွန်တော်တို့ နာမည်ပေးကြည့်ကြရအောင်။ စာဖတ်သူလည်း ကြိုက်သလို နာမည်ပေးပါ။ ကျွန်တော်ပေးထားတဲ့ နာမည်လေးတော့ ရှိတယ်။ ကျွန်တော်က နောက်ဆုံးဖယောင်းတိုင်လေးရဲ့ နာမည်ကို ''နားလည်ပေးမှု၊ စာနာပေးမှု ဖယောင်းတိုင်'' လို့ နာမည်ပေးထားတယ်။ တွေးကြည့်ရအောင်။ လူတစ်ယောက်နဲ့ တစ်ယောက်အကြားမှာ ''နားလည်ပေးမှု၊ စာနာပေးမှု'' ဆိုတဲ့ အလင်းအားရှိတဲ့ ဖယောင်းတိုင်လေးသာ ရှိနေသေးရင် ''အချစ်'' ဆိုတာပြန်ဖြစ်နိုင်တယ်။ ''သံယောဇဉ်'' ဆိုတာ ပြန်ဖြစ်နိုင်တယ်။ ''မေတ္တာတရား၊ ကရုဏာတရား'' တွေ ပြန်ဖြစ်နိုင်တယ်။ ''နားလည်ပေးမှု၊ စာနာပေးမှု'' ဆိုတဲ့ဖယောင်းတိုင်လေးသာ မီးငြိမ်းသွားခဲ့ရင်... အခန်းကြီး မှောင်မည်းသွားသလိုအချစ်တွေ၊ မေတ္တာတရားတွေ၊ သံယောဇဉ်တွေ၊ ကရုဏာတရားတွေ ပြန်ဖြစ်ဖို့ မလွယ်တော့ပါဘူး။ လူ့ဘဝရဲ့ အနှစ်သာရလည်း ပျက်စီးသွားတော့မှာပါပဲ။
မိသားစု အချင်းချင်းအကြားမှာ၊ သူငယ်ချင်းနှစ်ယောက်အကြားမှာ၊ မောင်နှမနှစ်ယောက်အကြားမှာ၊ လင်းမယားနှစ်ယောက်အကြားမှာ၊ အဖွဲ့အစည်းတစ်ခုနဲ့ တစ်ခုအကြားမှာ ''နားလည်ပေးမှု၊ စာနာပေးမှု'' ဆိုတဲ့ဖယောင်းတိုင်လေး လင်းနေဖို့ လိုမယ်ထင်ပါတယ်။ ဒီဖယောင်းတိုင်လေးသာ မီးငြိမ်းသွားခဲ့ရင် လူမှုဆက်ဆံရေးရဲ့ ပျော်စရာကောင်းတဲ့သဘာဝကို ခံစားနည်းလည်နိုင်တော့မှာ မဟုတ်ပါဘူး။ ချစ်သူနှစ်ယောက်အကြားမှာ ''နားလည်ပေးမှုနဲ့ စာနာပေးမှု'' ရှိရင် ပျော်စရာသိပ်ကောင်းမှာပဲ။ မိဘအပေါ်မှာ နားလည်ပေးတတ်တဲ့ သားသမီးတွေကို ပိုင်ဆိုင်ခွင့်ရတဲ့ မိသားစုဟာပျော်စရာကြီးပါ။ ဒီလိုပါပဲ နားလည်ပေးတတ်တဲ့၊ စာနာပေးတတ်တဲ့ မိဘတွေရဲ့ သားသမီးဖြစ်ခွင့်ရရင်လည်း ပျော်စရာပါပဲနော်။ ကိုယ့်ကို နားလည်ပေးတဲ့၊ စာနာပေးတဲ့ ချစ်သူနဲ့သာ အတူနေခွင့်ရရင်အချစ်ဆိုတာ ပျော်စရာပဲလို့ ခံစားမိမှာပါ။ အပြန်အလှန် နားလည်ပေးတဲ့၊ စာနာပေးတဲ့ လူ့အဖွဲ့အစည်းတွေသာ ကျွန်တော်တို့ဝန်းကျင်မှာရှိခဲ့ရင် ကျွန်တော်တို့ လူ့ဘောင်လောကကြီးဟာ ဒီထက်ပိုပြီးသာယာလာပါမယ်။ ငြိမ်းချမ်းလာပါမယ်။ တိုးတက်လာပါမယ်။ ပျော်စရာလည်းကောင်းလာပါမယ်။ ဒါကြောင့် ဘယ်နေရာမှာ မဆို ''နားလည်ပေးမှုနဲ့ စာနာပေးမှု'' အပြန်အလှန်ရှိကြမယ်ဆိုရင် လောကကြီးဟာ ငြိမ်းချမ်းနေမှာပါ။ ဒါပေမယ့်....''နားလည်ပေးမှုနဲ့ စာနာပေးမှု'' ကိုတော့ အလွဲသုံးစား မလုပ်သင့်ဘူးနော်။ ''နားလည်ပေးမှုနဲ့ စာနာပေးမှု'' ကို အခွင့်ကောင်းမယူသင့်ဘူး။ ''နားလည်ပေးမှုနဲ့ စာနာပေးမှု'' ကို တန်ဖိုးမဲ့အောင် မလုပ်သင့်ဘူးနော်။
စာဖတ်သူလည်း နောက်ဆုံး ဖယောင်းတိုင်လေးရဲ့ နာမည်ကို ဘယ်လိုများ မှည့်ခေါ်ချင်ပါသလဲ။
ဒီပုံပြင်လေးကို ဖတ်ပြီး....''ချစ်သူတွေ၊ သူငယ်ချင်းတွေ၊ မိသားစုတွေ၊ လူသားတွေ၊ အဖွဲ့အစည်းတွေ'' ရဲ့ကြားမှာ ''နားလည်ပေးမှုနဲ့ စာနာပေးမှု'' ဆိုတဲ့ အလင်းရောင်ကလေးနဲ့ ''အချစ်တွေ၊ သံယောဇဉ်တွေ၊ မေတ္တာတရားတွေ၊ ကရုဏာတရားတွေ'' ပြန်ပြီး ရှင်သန်ထွန်းလင်းကြပါစေလို့ ဆန္ဒပြုလိုက်ပါတယ်။
အစားကောင်းစားရရင် ခင်မင်ရတဲ့သူငယ်ချင်းတွေကို သတိရမိသလိုစာကောင်းကောင်းလေး တစ်ပုဒ်ဖတ်မိရင်လဲ သူငယ်ချင်းတွေကိုပါသိစေချင်၊ဖတ်စေချင်လို့ပါနော် ........
(ပို့ပေးသူ ကိုဖိုးချူ (Saw Jeff - MKO) ကို ကျေးဇူးအများကြီးတင်ပါတယ်။)
Collapse...
သစ္စာဟူသောစကားသည် မြန်မာစကားမဟုတ်သောငြားလည်း မြန်မာလိုဖြင့်ပင်နားလည်ကြပါသည်။ သစ္စာကို အဘိဓာန်တွင် မည်သို့ဖွင့်ဆိုသည်မူကား မသိပါ။ သို့သော်လည်း အမှန်တရားတစ်ခုဖြစ်ကြောင်းကိုတော့ သဘောပေါက်ထားပါသည်။ သစ္စာမဲ့သည်ဟု ဆိုပါလျှင် မရိုးသားခြင်းဟု ပြောလိုသည်ဖြစ်ပြီး၊ သစ္စာရှိသည်ဟုဆိုလာပါလျှင် ထိုရိုးသားမူမျိုးရှိသည်ဟု ဆိုလိုနိုင်ကြောင်း နားလည်မိပါသည်။ လူသားအချို့သည်ပင် မိမိချစ်ခင်စုံမက်သော သူအပေါ်၌ သစ္စာဖေါက်မှုမျိုး ပြုလုပ်တတ်ကြပါသည်။ အောက်ချင်းငှက်တို့၏သစ္စာကို လူသားအချို့တို့က လိုက်မီလိမ့်မည်မထင်။ အကြောင်းမှာ..........
လွန်ခဲ့သောနှစ်ပေါင်း(၃၀)ကျော်က မွန်ပြည်နယ် ဘီးလင်းမြို့နယ် လေးကေကျေးရွာတွင် တောလိုက်ဝါသနာပါသူ မုဆိုးကျော်ကြီး ဖူးဝါးခိုဟူ၍ရှိလေသည်။ သူသည် သူ၏လက်စွဲတော် ဒူးလေးဖြင့် နေ့စဉ်လိုလိုပင် တောပစ်ထွက်လေ့ရှိပါသည်။ သူသည်တစ်ကိုယ်တော် မုဆိုးဖြစ်၏။ ထို့သို့ အမဲလိုက်သည်သာမက ထောင်ချောက်ဆင်ခြင်းစသော မုဆိုးတို့တတ်အပ်သော ပညာရပ်များကို အတော်စုံလင်စွာ တတ်ထားပါသည်။ တောပစ်၍ သားကောင်၊ ငှက် စသည်မရလျှင်တောင်မှ အနည်းဆုံးတစ်ကောင်၊ နှစ်ကောင် လိုလိုတော့ရစမြဲပင်။ ထောင်ချောက်မှလည်း ဂျီ၊ ဆတ် တို့သုံးရက်တစ်ခါ လေးရက်တစ်ခါ ရတတ်ပြန်သေး၏။ ရလာသော ဟင်းလျာများကို မိသားစုစားလောက်ရုံ ချန်ထား၍ ကျန်သောအသားတို့ကိုမူကား ဆန်ဖြင့်လည်းကောင်း၊ ဟင်းသီးဟင်းရွက်ဖြင့်လည်ကောင်း လဲလှယ်၍စားသောက်ကြပါသည်။
လဲလှယ်ခြင်းဆိုသည်မှာ ထိုစဉ်က ကျွန်ုပ်တို့ရွာသည် အိမ်ခြေနည်းသေးသည်ဖြစ်၍ ရောင်းခြင်း၊ ၀ယ်ခြင်းမျိုး မထွန်းကားသေးချေ။ ယခုမှာမူကား ကျွန်ုပ်တို့ရှာသည် မ၀ယ်ပါက လိုချင်သော ပစ္စည်းများမရသည်က များလာပြီဖြစ်သည်။ မုဆိုးကျော်ကြီး ဖူးဝါးခိုသည် တစ်နေ့တွင် တောထဲလည်ရင်း အောက်ချင်းငှက်နှစ်ကောင်နှင့် တိုးလေသည်။ အောက်ချင်းငှက်နှစ်ကောင်သည် တစ်ကောင်နှင့်တစ်ကောင် နေပူစာလှုံရင်း နှုတ်သီးဖြင့် ဆော့မြူးကစားလျက်ရှိပါသည်။ ထိုမျှ သင်္ခါရ ရသမြောက်သော ပန်းချီကားတစ်ချပ်ပမာ လှပသောရှုမျှော်ခင်းကို ဖူးဝါးခိုမခံစားတတ်ချေ။ မုဆိုးစိတ်သာကြီးစိုးနေသည်။ သူသည် လေးနှင့်မြှားကိုတင်၏။ ရွယ်၏။ ထို့နောက် "ထပ်" ဟူသော သေမင်းတမန်မြှားနှင့်အတူ အောက်ချင်းငှက်သည် "ဘုတ်" ကနဲ့မြေပေါ်သို့ ကျသွားပါတော့သည်။ ကျန်တစ်ကောင်မှာ မြားဒဏ်ထိမှန်သောအဖေါ် မြေပေါ်သို့မရောက်မီ အချိန်လေးမှာပင် သစ်ကိုင်းမှ လန့်ကာထွက်သွားပါတော့သည်။
နောက်တစ်နေ့.........နှင်းထုများမကွဲသေးချိန် ဝေလီဝေလင်းမှာပင် ဖူးဝါးခို၏ အိမ်နားက ကုက္ကိုပင်ကြီးတွင် အောက်ချင်းငှက်များသည် နှစ်ကောင်တစ်တွဲ၊ နှစ်ကောင်တစ်တွဲနှုန်းဖြင့် အဆက်မပြတ် ပျံသန်းလာခဲ့ကြသည်။ အစကမူ မည်သူမျှ သတိမထားမိသော်လည်း အောက်ချင်းငှက်တို့၏ အော်သံတို့ကြောင့် အိမ်နီးချင်းတို့ကပါ တွေ့မြင်ကြလေသည်။ နေထန်းတစ်ဖျားတက်ချိန်မှာ ကုက္ကိုပင်ကို မမြင်ရတော့ဘဲ အောက်ချင်းငှက်တို့သာ ထင်းလင်းစွာမြင်ရပါတော့သည်။
သို့သော် အောက်ချင်းငှက်များမှာ ၂မိနှစ်၊ ၃မိနှစ်၊တစ်တွဲနှုန်းမြင့် လာကြမစဲ တသဲသဲပင် အလာကျဲပြီဖြစ်၍ ကုန်လုနီးပါးဖြစ်မည်ထင်၏။ ငှက်တို့သည် သူတို့အဖေါ်ကို စောင့်နေသည်အလား နေပူစာလှုံရင်း ဘာသာဘာဝ အော်မည်ကြသည်။ ရွာသားတို့မှာ ထူးဆန်းသောငှက်အုပ်ကြီးကို မတွေ့စဖူး တွေ့ရသောကြောင့် နေပူစာလှုံရင်းအမျိုးမျိုးအမည်မည် ပြောဆိုကြလေ၏။ သူတို့အုပ်စုသည် ငှက်တို့၏လာရာလမ်းကြောင်းကို ရှုမျှော်ရင်း အတွဲတစ်စုံ၏ နောက်ကွယ်မှာကား လေးကန်စွာပျံသန်းရင်း အဖေါ်များရှိရာသစ်ပင်သို့ လာနေသောငှက်တစ်ကောင်ကို တွေ့မြင်ရပါတော့သည်။ အဖော်မဲ့သော ဤငှက်သည် ဖူးဝါးခို၏ လက်ချက်ကြောင့် သူ၏ကြင်ဖော်သက်လျာ ပျက်စီးသွားခြင်းပင် ဖြစ်တန်ရာ၏။ အကြောင်းမှာ အခြားသောငှက်တို့တွင် အတွဲများမှာ နှစ်ကောင်စီ ဖြစ်သော်လည်း ဤငှက်မှာကားတစ်ကောင်တည်းပင် ဖြစ်သောကြောင့်တည်း။ ငှက်တို့သည် အခြားငှက်များနှင့်မရော အောက်ချင်းငှက်ချည်း သက်သက်ပင်ဖြစ်သည်။
ကုက္ကိုပင်အပြည့် ငှက်များစုံပြီးသောအခါ နာရီဝက်ခန့်နေကြပြီး နှစ်ကောင်တစ်တွဲဖြင့် တန်းစီပျံထွက်ကြပါတော့သည်။ ပျံသန်းထွက်ခွါချိန်မှာ အတော်ပင်ကြာ၏။ ရွာသားတို့ကလည်း စိတ်ဝင်တစားပင် ကြည့်ရှုကြပါသည်။ နှစ်ကောင်တစ်တွဲနှုန်းဖြင့် ပျံသန်းကြရင်း နောက်ဆုံးမှာ တစ်ကောင်တည်းသာ ကျန်တော့သည်။ ထိုတစ်ကောင်သည် အဖော်များခပ်ဝေးဝေး ရောက်သွားသောအခါမှသာ ဖူးဝါးခို၏အိမ်ကို လှမ်းမျှော်ကြည့်ရင်း လေးကန်သောအတောင်ပန်ကိုဖြန့်ကာ နှစ်ချက်၊ သုံးချက်ခတ်ရင်း အရှိန်ဖြင့် လူတို့ကြည့်နေဆဲမှာပင် မြေပြင်တလင်းသို့ ထိုးစိုက်ကြကာ အသက်ပျောက်သွားပါတော့သည်။
ဤဖြစ်ရပ်ကိုမြင်ရသော ဖူးဝါးခိုနှင့် ရွာသားများသည် စုတ်တသပ်သပ်နှင့် စိတ်မကောင်းခြင်းကြီးစွာ ဖြစ်မိကြပါတော့သည်။ အောက်ချင်းငှက်သည် တိရစ္ဆာန်များသာဖြစ်၏။ သို့ပင်ငြား ကြင်ဖော်အပေါ် လွန်စွာသစ္စာရှိ၏။ လူအချို့မှာ မိမိတို့၏ကြင်ဖော်အပေါ် သစ္စာထားရာ၌ အောက်ချင်းငှက်ကိုမမီကြချေ။ သြော်....သေအတူ၊ ရှင်မကွာ ဟူသောစကားသည် အောက်ချင်းငှက်တို့၏ သစ္စာမျိုးပါတကားဟူ၍သာ......။
Collapse...
တစ်ခါက တံငါသည်တစ်ဦးသည် ငါးသုံးကောင်ဖမ်းမိပြီး လှေဝမ်းထဲ၌ ချထားသည်။ ပထမငါးတစ်ကောင်သည် ၀ီရိယသမားဖြစ်၍ လှေဝမ်းထဲကလွတ်အောင် အဆက်မပြတ် ထခုန်နေရာ တံငါသည်က စိတ်မရှည်ပဲ လှော်တက်နှင့် ရိုက်သဖြင့် သေဆုံးသွား၏။ ဒုတိယငါးကမှု ဉာဏ်သမားဖြစ်၍ ပထမငါးလို အရမ်းထမခုန်။ လေလူး၍ တစ်ဖက်သို့ စောင်းသွားသည့်အချိန်တွင်မှ ရေထဲရောက်အောင် အားစိုက်ခုန်သဖြင့် လွတ်မြောက်သွား၏။ တတိယငါးက ကံသမားဖြစ်၍ ကံကောင်းလျှင်လွတ်မည်ဟု သည်အတိုင်းငြိမ်ပြီးစောင့်နေရာ တံငါသည် အိမ်အထိပါသွားပြီး တံငါသည်မယားက ခေါင်းကိုအလေးနှင့် ထုသတ်သောအခါမှ သေလေ၏ဟူ၍ဖြစ်သည်။
သည်ပုံပြင်ကိုကြည့်လျှင် ပထမငါးသည် ၀ီရိယရှိသော်လည်း စိတ်မရှည်။ သည်းခံစောင်းဆိုင်းတတ်ခြင်းမရှိ၊ အချိန်အခါကောင်းကိုမသိ၊ ထို့ကြောင့်မအောင်မြင်။ ဒုတိယငါးကား သည်းခံစိတ်ရှိသည်၊ အခွင့်အခါကောင်းကိုစောင့်ပြီး အံဝင်ခွင်ကျ လုပ်ကိုင်တတ်သည်။ ထို့ကြောင့် အောင်မြင်သည်ဟူ၍ သုံးသပ်ရမည်ဖြစ်သည်။ (တတိယငါးကားထည့်သွင်းစဉ်းစားရန်မလိုပေ)။
အလုပ်တစ်ခုကို သင့်လျော်သော အချိန်အခါ မကျရောက်မီ လုပ်မိပါက လုပ်ငန်းမအောင်မြင်ရုံမက ပြန်လည်ပြင်ဆင်၍ မရအောင်ပင် ပျက်စီးသွားတတ်သည်။ စိတ်ရှည်ဖို့ (၀ါ) သည်းခံစောင့်ဆိုင်းတတ်ဖို့ ဖြစ်သည်။
Collapse...
ဤပုံပြင်သည် အင်္ဂလိပ်ပုံပြင်မှ ပန်းရည်စုပ်ငှက်အကြောင်းကို ဘာသာပြန်ထားခြင်းဖြစ်ပါသည်။ လာလည်သူအားလုံးကိုလည်း ဖတ်စေချင်သောဆန္ဒဖြင့် ရေးသားဖော်ပြလိုက်ပါသည်။
တစ်နေ့တွင် ရုတ်တရက် မထင်မှတ်သော သဘာဝပွတ်မီးကြောင့် တောကြီးသည် အလွန်ကြောက်မက်ဖွယ်ကောင်းသော မီးတောက်မီးလျှံများဖြင့် လောင်ကျွမ်းနေပါသည်။ သားရဲတိရစ္ဆာန်များသည် တောထဲတွင်ခိုအောင်းရာမှ ကြောက်လန့်တကြား ထွက်ပြေးလာကြသည်။ တောကြီးနဲ့ အလှမ်းဝေးသော စမ်းချောင်း၏ ကမ်းနဖူးတစ်နေရာသို့ ရောက်သောအခါ တိရစ္ဆာန်တို့သည် လောင်နေသောတောကို ၀မ်းနည်းတသ ငေးကြည့်နေကြပါသည်။ ပျက်ဆီးသွားသော သူတို့ရဲ့နေရာဒေသကိုလည်း ၀မ်းနည်းပူဆွေးစွာ စိတ်မကောင်းဖြစ်နေကြတဲ့ အတောအတွင်းမှာ သေးငယ်သော ပန်းရည်စုပ်ငှက်ကလွဲပြီး ကျန်တဲ့တိရစ္ဆာန်များက လောင်နေသော တောမီးကို ဘယ်လိုလုပ်ကြမယ်ဆိုတာကိုမတွေးတတ်ကြပါ။
အဲဒီအချိန်မှာ ပန်းရည်စုပ်ငှက်ဟာ တစ်စုံတစ်ရာလုပ်ရန် ဆုံးဖြတ်ချက်ချလေသည်။ ထိုအခါ ပန်းရည်စုပ်ငှက်သည် စမ်းချောင်းဘက်သို့ပျံသန်းသွားပြီး သူ၏သေးငယ်ရှည်လျားသော နှုတ်သီးဖြင့် ရေကိုစုပ်ယူပြီး လောင်နေသောတောကို ရေစက်လေးဖြင့် မီးကိုငြိမ်းလေသည်။ ပြီးတော့ စမ်းချောင်းဘက်ကိုပျံလာပြီး စမ်းချောင်းရေကိုစုပ်လိုက် တောမီးကို ရေစက်ကလေးဖြင့်ငြိမ်းလိုက်နှင့် အခေါက်ခေါက်အခါခါ ခေါက်တုံ့ခေါက်ပြန် ပြုလုပ်နေသည်ကို အခြားသော တိရစ္ဆာန်တို့က ပန်းရည်စုပ်ငှက်၏ လုပ်ရပ်ကို မယုံကြည်နိုင်လောက်အောင် နားမလည်သောအကြည့်များဖြင့် အံ့သြစွာ ကြည့်နေကြပါသည်။ ဒါကိုကြည့်ပြီး အချို့သော တိရစ္ဆာန်က ပန်းရည်စုပ်ငှက်ကို ၀မ်းနည်းသောလေသံဖြင့် ''ဒုက္ခမခံပါနဲ့၊ မီးလောင်တာများလွန်းနေတယ်။ သင့်ရဲ့အတောင်ကို မီးလောင်သွားလိမ့်မယ်။ သေးငယ်တဲ့ သင့်ရဲ့နှုတ်သီးနဲ့ရေစက်လေးဟာ မီးကိုမငြိမ်းနိုင်ပါဘူး'' ဟုတားမြစ်ပြောဆိုလေသည်။
တိရစ္ဆာန်များသည် သူတို့မှာ မျှော်လင့်ချက်မရှိတော့ဘူးဆိုတာကို ပန်းရည်စုပ်ငှက်ကို ၀ိုင်းပြောကြပါသည်။ အခြားတိရစ္ဆာန်တစ်ကောင်ကလည်း ပန်းရည်စုပ်ငှက်ကို ''မင်းကိုယ်မင်း ဘာကောင်ထင်လို့ ဘာတွေလုပ်နေတာလဲ'' ဟု ကျယ်လောင်သော လေသံဖြင့် အော်ဟစ်၍ ပျက်ရယ်ပြုလေသည်။ ပန်းရည်စုပ်ငှက်သည် အချိန်ကိုဖြုန်းမနေတော့ပဲ ''ငါတတ်နိုင်သလောက်၊ ငါလုပ်နေပါသည်'' ဟု ပျံသန်းရာမှလှည့်ပြီး ဖြေလိုက်လေသည်။
*ရေတစ်စက်မှသည် သန်းပေါင်းများစွာသာ ရေစက်များဖြင့် မီးကိုငြိမ်းစေနိုင်ပါသည်။
*ကျွန်ုပ်တို့သည်လည်း ပန်းရည်စုပ်ငှက်လို ကျွန်ုပ်တို့လူမျိုးပေါ် တတ်နိုင်သလောက် ကျွန်ုပ်တို့လုပ်ရပါမည်။ စွမ်းဆောင်နိုင်ရပါမည်။
*ကျွန်ုပ်တို့၏ အိမ်မက်ကမ္ဘာလေးကို ဒီထက်ပိုပြီး အကောင်းဆုံးဖြစ်အောင် ဘယ်လိုတည်ဆောက်ရမည်ကို တွေးတောစေချင်ပါသည်။
*ကျွန်ပ်တို့လူမျိုး ရင်ဆိုင်နေရသော ဒုက္ခငရဲမီးကိုလည်း ဘယ်လိုငြိမ်းရမည်ကို တွေးတောစေချင်ပါသည်။
*(တောမီးလောင်၊ တောကြောင်လက်ခမောင်းခတ်) ဆိုတဲ့ အဖြစ်မျိုး မဖြစ်ရလေအောင် သေးငယ်သော ပန်းရည်စုပ်ငှက်လေးဟာ ပုံပြင်ထဲကအတိုင်း အားလုံးကို ဥပမာ ပြသွားခဲ့ပြီးမဟုတ်ပါလား။
Collapse...
ဒီပုံပြင်ကလေးကို ဖတ်ဖြစ်အောင် ဖတ်ကြည့်စေချင်ပါတယ်။ ပန်းရည်စုပ်ငှက်ဆိုတာ ခန္ဓာကိုယ်အရှည်က တစ်ဆယ်စင်တီမီတာထက် ငယ်ပြီးတော့အလွန်လှပပါတယ်။ အရောင်စုံတဲ့ နေရောင်ခြည် ချည်မျှင်များနဲ့  ရက်ထားသလို အလွန်လှပရွှန်းစိုတဲ့ သက်တန့် ရောင်စုံ အမွှေးတွေက သူတို့ ကိုယ်ကို ဖုံးအုပ်ထားပါတယ်။ အဲဒီငှက်တွေဟာတောက်ပတဲ့ တောင်ပေါ်ပန်းတွေကြားမှာ ရဟတ်ယာဉ်တွေလို ရစ်ဝဲနေကြပါတယ်။ ပန်းမျိုးစေ့ အိမ်ထဲကို အပ်သွားပုံ သူတို့ ရဲ့  နှုတ်သီးတွေကို ထိုးသွင်းပြီး ပန်းဝတ်ရည်များအား စုပ်ယူနေတာကို မြင်တွေ့ ရပါတယ်။
မင်ဂွမ်းနွန်းရွာ နောက်ကျောမှာ ကြည်လင်တဲ့ ချောင်းရေက စီးဆင်းနေပါတယ်။ ချောင်းနံဘေးမှာတော့ အရွက်တွေ ထူထပ်သိပ်သည်းစွာ ပေါက်နေတဲ့ သရက်ပင်ကြီး တစ်ပင်ရှိပါတယ်။ သေးငယ်တဲ့ ပန်းရည်စုပ်ငှက်အပေါင်းတို့  ကြီးစိုးရာနယ်မြေဖြစ်ပြီး သစ်ကိုင်းအားလုံးနီးနီးပေါ်မှာ ရွံ့ နဲ့ မြက်ပင်တွေနဲ့  ဖန်တီးထားတဲ့ ငှက်သိုက်တွေက တစ်ခုနဲ့ တစ်ခု လက်မအနည်းငယ်စီသာ ခြားပြီး အစုလိုက်အပြုံလိုက် ရှိနေကြပါတယ်။
မနက်လင်းရင် ငှက်အုပ်ကြီးဟာ ကောင်းကင်ပေါ်မှာ လှပတဲ့သက်တန့် ပုံဖွဲ့ ပြီး အစာရှာထွက်ကြပါတယ်။ ညနေဆည်းဆာ ငှက်အုပ် ပြန်နားတဲ့အခါ သစ်ပင်ကြီးတစ်ခုလုံး ရောင်စုံဖုံးအုပ်သွားပါတယ်။ ပန်းရည်စုပ်ငှက်ဥတွေ သားပေါက်ချိန်မှာတော့ ငှက်ဖိုတွေက ပြန်ထွက်သွားလိုက် ပြန်ဝင်လာလိုက်နဲ့  အသိုက်ရှေ့မှာ နားနေတဲ့ငှက်မတွေကို အစာခွံ့နေကြပါတယ်။
ကျွန်တော်ဟာ စမ်းချောင်းလေး နံဘေးမှာ ရေဆင်းချိုးနေတုန်း ရုတ်တရက် ငှက်တွေရဲ့  အလန့် တကြား စူးစူးရှရှ အော်သံတွေ ကြားလိုက်ရပါတယ်။ ကျွန်တော် ကြည့်လိုက်တော့ တောကြီးမြွေဟောက်တစ်ကောင်ဟာ သစ်ပင်ပေါ်တက်ပြီး သစ်ပင်အထွတ်ထဲ ၀င်သွားတာ မြင်လိုက်ရပါတယ်။ ၆ မီတာလောက်ရှည်ပြီး ကြီးထွားကာ သန်မာတဲ့ခန္ဓာကိုယ်နဲ့  လျှင်မြန်စွာလှုပ်ရှားနိုင်လို့  ကျား၊ ကျားသစ်လို ကြမ်းကြုတ် ရက်စက်တဲ့ သတ္တ၀ါများတောင် တောကြီးမြွေဟောက်ကို ဝေးဝေးကရှောင်ရှား ကြောက်ရွံ့ ကြရပါတယ်။ လူကိုပေါက်မိရင် တစ်နာရီမပြည့်ခင် အသက်ပျောက်သွားတတ်ပါတယ်။
ကျွန်တော်လည်း အရွက်ဖားဖားကြီးတွေအောက်မှာ ကမန်းကတန်းပုန်းပြီး အပေါက်သေးသေးလုပ်ကာ ချောင်းကြည့်နေမိပါတယ်။ တောကြီးမြွေဟောက်ဟာ ပင်မြင့်က သစ်ကိုင်းတစ်ကိုင်းမှာ အမြီးကို ချိတ်၊ လေထဲမှာ ဆိုင်းဆွဲ ပြီး တန့် နေတာ တွေ့ ရပါတယ်။ ဦးခေါင်းကို ပတတ် ရပ်၊ ပါးပျဉ်းကို ပြန့် ကားထားပြီးခရမ်းရောင် လျှာ ကလည်း ဆတ်ကနဲ့ထွက်လာကာ ငှက်သိုက်တွေထဲကို လှစ်ကနဲ ငှက်ဥတစ်လုံးပြီးတစ်လုံး နှိုက်ယူစားသုံး နေပါတော့တယ်။
ပရိဒေ၀မီး တောက်နေကြတဲ့ ငှက်မတွေဟာ သူတို့ ရဲ့ အသိုက်ဝန်းကျင် သစ်ပင်ပတ်လည်မှာ ပျံဝဲကာ အော်မြည်နေကြပါတယ်။ မကြာမီ ပန်းဝတ်ရည် စုဆောင်းရာမှ ရောက်လာတဲ့ ငှက်ဖိုတွေဟာ တိမ်စိုင်တစ်ခုပမာ သစ်ပင် ကြီး အပေါ်မှာ ပျံဝဲရောက်ရှိလာကြပါတယ်။ ငှက်အချို့ဟာ သစ်ပင်ထိပ်ဆီကို ကျွမ်းထိုးချကြပါတယ်။ တချို့ က တောကြီးမြွေဟောက်ရဲ့  ရက်စက်ကြမ်းကြုတ်မှုကို စူးစူးဝါးဝါးကြည့်ကာ လေထဲမှာ ပျံဝဲငိုယိုနေကြသလို မြင်တွေ့ နေရပါတယ်။ သနားစရာကောင်းလှတဲ့ ငှက်ကလေးတွေဟာ သူတို့ ရဲ့ ဥကလေးတွေ သားပေါက်ကလေးတွေ ၀ါးမြိုခံနေရတာကို ကြည့်ပြီး ပြန်ခုခံဖို့  အားနည်းလှလို့  ဘာမှမလုပ်နိုင်ဘဲ မကျေမနပ် ငိုယိုနေကြပေ့ါလို့  ကျွန်တော်က တွေးနေမိပါတယ်။
သစ်ပင်ဘယ်ဘက်ပိုင်းက ငှက်သိုက်တွေလည်း ဟောင်းလောင်းဖြစ်သွားကာ တောကြီးမြွေဟောက်က ညာဘက်ကအပိုင်းကို ခေါင်းလှည့်လိုက်ပါတယ်။ တောကြီးမြွေဟောက်နဲ့  အမြင့်ချင်းတူရာ လေထဲမှာပျံဝဲနေတဲ့ အမြီးနှစ်ခွနဲ့  ပန်းရည်စုပ်ငှက်တစ်ကောင်ဟာ ရုတ်တရက် အမြင့်ကိုပျံတက်သွားပါတယ်။ အတောင် နှစ်ဖက်ကိုမြဲမြံစွာ သိမ်းသွင်းပြီး မြွေဟောက်ရဲ့  ခေါင်းတည့်တည့်ကို ထိုးစိုက် ဆင်းသက်လိုက်ပါတယ်။ ရှည်လျားတဲ့အသံကို ပြုပြီး အပ်ချွန်ပုံနှုတ်သီးနဲ့  မြွေဟောက်မျက်လုံးကို ထိုးဖောက်ဖို့ ရည်ရွယ်ပေမဲ့ မြွေဟောက်ဦးခေါင်းကိုရောက်ဖို့  တစ်မီတာအလိုမှာ မြွေဟောက်က ပါးစပ်ပေါက်ကို ဖြဲဟထားလို့  ကြီးမားတဲ့ညှို့ ဓာတ်က ဆွဲယူလိုက်သည့်နှယ် ငှက်ကလေးခမျာ မြွေဟောက်ရဲ့ မဲမှောင်တဲ့ အာခံတွင်းထဲ ကျဆင်းသွားရပါတယ်။
မိမိတို့ ရဲ့ ဥတွေကို အကာအကွယ်ပေးဖို့ အသက်စွန့် ဖို့ ကြိုးစားတဲ့ ငှက်ကလေးတွေရဲ့  သနားစရာအဖြစ်ကိုကြည့်ပြီး ကျွန်တော်ခံစားရပါတယ်။ တခြားပန်းရည်စုပ်ငှက် တစ်ကောင်လည်း အပေါ်ကိုပျံတက်သွားပြီး မြွေဟောက်ရဲ့  ဦးခေါင်းတူရူသို့  ထိုးစိုက်ချပြီး ပထမငှက်ရဲ့ နမူနာအတိုင်း လိုက်လုပ်ပြန်ပါတယ်။ သူလည်း မြွေဟောက်ရဲ့  ၀မ်းဗိုက်တွင်းနက်ကြီးထဲ ဆွဲယူခြင်း ခံလိုက်ရပါတယ်။ မြွေဟောက်ကြီးဟာ ရာဂစိတ် နိုးကြားတက်ကြွပြီး ခေါင်းတရမ်းရမ်း လျှာတန်းလန်းနဲ့ ကြောက်မက်ဖွယ်ကောင်းလှပါတယ်။
အဲဒီအခါမှာ သူရဲကောင်းစိတ်နဲ့  စွန့် လွတ်အနစ်နာခံစိတ်များ ငှက်အုပ်အတွင်းပျံ့ နှံ့ သွားသလို ငှက်တွေအားလုံး အကုန်နီးပါး အပေါ်ကိုပျံတက်လိုက်ကြပါတယ်။ မြွေဟောက်ရဲ့ ဖွင့်ထားတဲ့ ပါးစပ်ပေါက်နဲ့  ကောင်းကင်အကြား ရောင်စုံအဖွဲ့ ကြီးတစ်ခု ဖြစ်ပေါ်လာပါတယ်။ ငှက်တွေဟာ နှစ်ကောင်တွဲ၊ သုံးကောင်တွဲ၊ မြွေဟောက်ရဲ့  ဦးခေါင်းတည့်တည့် ထိုးစိုက် ချလိုက်ကြပါတယ်။ ပန်းရည်စုပ်ငှက်တွေ မြွေဟောက်ရဲ့  ပါးစပ်ပေါက်မှ ၀မ်းဗိုက်ထဲ ဘယ်နှစ်ကောင် ကျရောက်သွားတာ ကျွန်တော် တိကျစွာမရေတွက်နိုင်တော့ပါ။ မြွေဟောက်ဝမ်းဗိုက်ကြီးလဲ လည်ပင်းကြီးရောဂါလို ဖောင်းကားကာ နောက်ဆုံးမှာ ပြည့်လွန်းမက ပြည့်လာလို့  ပါးစပ်ပိတ်သွားပါတော့တယ်။ နှောင့်နှေးခြင်းမရှိဘဲ ပန်းရည်စုပ်ငှက်နှစ်ကောင်ဟာ မြွေဟောက်ခေါင်းကို ထိုးနှက်လိုက်ပါတယ်။ အပ်ချွန်လိုနှုတ်သီးတွေနဲ့  မြွေဟောက်ရဲ့  မျက်လုံးအစုံကို ထိုးဖောက်လိုက်ပါတယ်။ တောကြီးမြွေဟောက် သဲကြီးမဲကြီး လှုပ်ရှားနေတာ တွေ့ လိုက်ရပါတယ်။
နာကျင်ဒေါသအိုး ပေါက်ကွဲ နေပြီး တစ်ချက်ပေါက်လိုက်ရာ ငှက်နှစ်ကောင် မြွေဟောက်ပါးစပ်ထဲ ရောက်သွား ပြန်ပါတယ်။ တုန်လှုပ်ကြောက်ရွံ့  သွားဖို့ နေနေသာသာ ငှက်တွေဟာတိုက်ပွဲကို အရှိန်မြှင့်လိုက်ပါတယ်။ မြွေဟောက်ရဲ့  ခေါင်းပေါ်ကို ငှက်မိုးရွာချလိုက်သလို မြွေဟောက်ရဲ့  မျက်ခွံ မဲ့နေတဲ့ အားနည်းချက်နေရာ မျက်လုံးအစုံအား ထိုးဖောက်လိုက်ကြပြန်ပါတယ်။ မြွေဟောက်ရဲ့  မျက်လုံးအစုံက သွေးတွေစထွက်လာပြီး နောက်ဆုံးမှာ ငှက်တွေရဲ့  ကြောက်စရာကောင်းတဲ့ စည်းလုံးညီညွတ်စွာ ထိုးနှက်တိုက်ခိုက်မှုကို မရှောင်ရှားနိုင်တော့ဘဲ ဦးခေါင်းနိမ့်ကျသွားကာ သစ်ပင်ပေါ်က လျှောဆင်းသွားပါတော့တယ်။ ပါးပျဉ်းလည်း ပျော့ကျသွားပြီး အနိုင်ကျင့်မှုလည်း ချုပ်ငြိမ်းသွားပါတော့တယ်။
သူ့ အပေါ်ငှက်တွေက အုံကျင်းဖွဲ့  နားလိုက်ကြပြီး ဦးခေါင်းကို ကြောက်မက်ဖွယ်ရာ ထိုးဖောက်နေရာ မြွေဟောက်လည်း ၀က်ရူးပြန်နေသူလို တွန့်လိမ်နေပါတယ်။ နောက်ဆုံး မြေပြင်ပေါ် ဘုတ်ကနဲ မြည်ကာ ကျသွားပါတော့တယ်။ မသေတသေ ဖြစ်နေတဲ့ မြွေဟောက်အပေါ်မှာ ငှက်အုပ်ဟာ ငှက်စောင်ခြုံသလို အောင်ပွဲခံလိုက်ပါတော့တယ်။ ငှက်ကလေးတွေရဲ့  စည်းလုံးညီညွတ်မှုကြောင့် မြွေဟောက်ဟာ ဆွေးမြေ့နေတဲ့ ကောက်ရိုးကြိုးတစ်ချောင်းလို မြေကြီးပေါ်မှာ အသက်ပျောက်သွားရပါပြီ။ မြွေဟောက်အသေကောင်ရဲ့  ပတ်လည်မှာတော့ ပန်းပွင့်ကြွေတွေ ကြဲဖြန့် ထားသလို ရောင်စုံငှက်သေတွေဟာ ပြန့်ကျဲနေပါတော့တယ်။
လှပပြီးသေးငယ်တဲ့ သတ္တ၀ါငှက်ကလေးတွေမှာ ရဲရင့်တဲ့အသည်း မရှိဘူးလို့  မထင်လိုက်ကြပါနဲ့ ။ ဒီပုံပြင်ကိုဖတ်ရူပြီး တစ်စုံတစ်ခု ခံစား ကျန်ရစ်နိုင်ပါစေ။ (ခင်မြင့်အောင်)
Collapse...
ဖားစည်နှင့်ပတ်သက်၍ အရှေ့ပိုးကရင်တို့တွင် ပုံပြင်တစ်ရပ်ရှိသည်။ ရှေးအခါက 'ဖူ့ဒိုင်' အမည်ရှိသော အဘိုးအိုတစ်ဦး ရှိလေသည်။ ဖူ့ဒိုင်သည် အိမ်ထောင်ပြုခြင်းမရှိ။ လူပျိုကြီးဖြစ်ပြီး တောင်ယာလုပ်ကိုင်၍ အေးချမ်းစွာနေထိုင်လေသည်။ ဖူ့ဒိုင်သည်ရိုးသားပြီး စိတ်ထားမြင့်မြတ်၍ လူအများက လေးစားကြည်ညိုကြသည်။
နှစ်တစ်နှစ်တွင် ဖူ့ဒိုင်သည် ရွာနှင့်အလှမ်းဝေးသော တောင်ပေါ်တစ်နေရာတွင် တောင်ယာလုပ်ကိုင်လေသည်။ ထိုနှစ်တွင် ဖူ့ဒိုင်တောင်ယာမှ အသီးအနှံများဖွံထွား၍ အလွန်ကောင်းမွန်လေသည်။ ဖူ့ဒိုင်တောင်ယာမှ အသီးအနှံများကို မျောက်များက နေ့စဉ်လာရောက် ချိုးယူစားလေသည်။ ဖူ့ဒိုင်က စိတ်ထားကောင်းသူပီပီ မျောက်များကို အော်ဟစ်မောင်းထုတ်ခြင်းများအပ အနာတရဖြစ်အောင် မပြုချေ။ သို့ကြောင့် မျောက်တို့က အတင့်ရဲနေကြလေသည်။ တစ်နေ့ထက်တစ်နေ့ မျောက်အုပ်မှာ များများ၍လာ၏။
တစ်ချိန်တွင် ဖူ့ဒိုင်က အကြံတစ်ခုရလေသည်။ ထိုအကြံမှာ မျောက်အုပ်များကို နောင်အခါ မိမိတောင်ယာကို လာရောက်မဖျက်ဆီးရန် မျောက်အကြီးအကဲကို တောင်းပန်ပြောပြမည်ဟု အကြံရလေသည်။ တစ်နေ့တွင် ဖူ့ဒိုင်သည် မိမိနှာဝတွင် တောမြက်ရိုင်းပွင့်ထိုးထားပြီး သေဟန်ဆောင်နေလိုက်သည်။
ထိုနေ့တွင် မျေက်အုပ်များရောက်လာပြီး ဖူ့ဒိုင်အောင်ဟစ်သံ မကြား၍ ထူးဆန်းနေကြသည်။ သို့ကြောင့် တဲအနီးသို့ ချဉ်းကပ်ပြီး ဖူ့ဒိုင်ကို ချောင်းမြောင်းကြည့်ရှုကြရာ ဖူ့ဒိုင်သေဆုံးနေသည်ကို တွေ့ရပြီး စိတ်မကောင်းခြင်းကြီးစွာ ဖြစ်ကြကုန်လေသည်။ ဖူ့ဒိုင်သေဆုံး၍ ၀မ်းနည်းပက်လက်ဖြစ်ပြီး ငိုယိုကြလေသည်။
ထိုအခါ မျောက်တို့က သူတို့၏ကျေးဇူးရှင် ဖူ့ဒိုင်အလောင်းကို ကောင်းမွန်စွာသင်္ဂြိုဟ်ရန် သယ်ဆောင်သွားကြလေသည်။ ဖူ့ဒိုင်သည် မျောက်တို့၏ အပြုအမူကို အလွန်ရယ်ချင်နေသည်။ သို့သော် အဆုံးအထိ စောင့်ကြည့်ရန်အကြံရပြီး ဆက်လက်သေဟန်ဆောင်နေသည်။
မျေက်အုပ်တို့က ဖူ့ဒိုင်အလောင်းကို တောအထပ်ထပ် တောင်အထပ်ထပ် ဖြတ်ကျော်၍ သယ်ဆောင်သွားလေရာ နေ၀င်ချိန်တွင်မျောက်တို့တိုင်းပြည်ကို ရောက်ရှိသွားလေသည်။ ဖူ့ဒိုင်အလောင်းကို တောပန်းတို့ဖြင့် ပြင်ဆင်ပြီး မျောက်ထီးပျို၊ မျောက်မပျိုတို့က လိပ်ပြာအိမ် အလောင်းထားရာစင်ကိုလှည့်ပြီး ဖူ့ဒိုင်ကျေးဇူးကိုဖော်ထုတ်ကာ တေးကဗျာ၊ လင်္ကာများကို အော်ဟစ်သီဆိုကြလေသည်။ တချို့ မျောက်တို့က ၀မ်းနည်းပက်လက်ဖြင့် ငိုယိုနေကြသည်။
ဖူ့ဒိုင်အလောင်းစင်ကို တစ်ညလုံးလှည့်ပြီး နံနက်မိုးလင်းသောအခါ မျောက်ဘုရင်ကြီး ရောက်လာလေသည်။ မျောက်ဘုရင်သည် ရွှေဖားစည်၊ ငွေဖားစည်၊ လိုတရဖားစည် သုံးလုံးဖြင့် အလောင်းစင်ကိုလှည့်ပြီး တီးခတ်လေသည်။ သေဟန်ဆောင်နေသော ဖူ့ဒိုင်သည် မျောက်တို့၏ အပြုအမူကို အလွန်ရယ်ချင်နေသည်။ ကြာကြာဟန်မဆောင် မအောင့်နိုင်သော ဖူ့ဒိုင်သည် နှာဝတွင်ပိတ်ထားသော တောမြက်ရိုင်းပွင့်ကိုထုတ်ပြီး ချေဆတ်လိုက်ရာ မျောက်အုပ်ကြီးက ဖားစည်တီး ရပ်လိုက်လေသည်။ ထိုအခါ ဖူ့ဒိုင်က မတ်တပ်ရပ်လိုက်ပြီး တအားအော်ဟစ်လိုက်ရာ မျောက်အုပ်တို့ ကြောက်လန့်ပြီး ထွက်ပြေးကြကုန်လေသည်။
ဖူ့ဒိုင်သည် ဖားစည်များကိုကောက်ယူပြီး ဖားစည်ကိုတီးလိုက်သည်နှင့် လိုတရ ဖားစည်တန်ခိုးကြောင့် ချက်ချင်းပင် မိမိတောင်ယာသို့ ပြန်လည်ရောက်ရှိလေသည်။ နောင်အခါ ဖူ့ဒိုင်သည် ဖားစည်တီးလိုက်သည်နှင့် မျောက်အုပ်တို့သည် မလာဝံ့တော့ချေ။ ဖားစည်တန်းခိုးကြောင့် တောင်ယာအသီးအနှံများလည်း အထွက်တိုးလာစေလေသည်။ နောင်အခါ ဖူ့ဒိုင်သည် ဖားစည်တန်ခိုးကြောင့် အကြီးအကဲ ဖြစ်လာလေသည်။ ဤသည်ကိုအစွဲပြု၍ ကရင်လူမျိုးတို့က ဖားစည်ကို သွန်းလုပ်ကြလေသည်။ ထိုမှစ၍ ကရင်လူမျိုးတို့က ဖားစည်ရှိပါက သြဇာအာဏာရှိကြောင်း၊ ကြီးပွားတိုးတက်ကြောင်း၊ ဖားစည်ကို စပါးကျီတွင် ထားရှိပါက စပါးများတိုးပွား၍ စပါးများအစားခံ အကုန်နည်းကြောင်း ယူဆယုံကြည်ကြလေသည်။
ဖူ့ဒိုင် လွန်ပြီးနောက်တွင် လူတို့က လောဘရမ္မက်ကြီးထွားလာပြီး သီလသမာဓိလည်း မမြဲပဲရှိကြလေရာ လိုတရဖားစည်လည်း ကွယ်ပျောက်သွားလေသည်။ ထိုမှစ၍ ဖူ့ဒိုင်ဖားစည်ကို အတုယူပြီး သွန်းလုပ်ကြလေရာ ဖားစည်အစ ဖူ့ဒိုင်က ဟူ၍ မျက်မှောက်တိုင် ပုံပြင်စကားအဖြစ် တည်ရှိနေလေသည်။
(မှတ်ချက်။ ။ ဖူ့ဒိုင်ပုံပြင်နှင့်ဆင်တူ ဖူ့မော်တော် ဖားစည်ပုံပြင်လည်း မူကွဲရှိပေသည်။ ဖူ့မော်တော် ဖားစည်ပုံပြင်သည် စကောကရင်တို့၏ ပုံပြင်ဟူ၍ ပိုးကရင်လူကြီးများကဆိုကြသည်။)
Collapse...
တစ်ခါသော် ငှက်ပစ်သမားတစ်ယောက်သည် သူထောင်ထားသော ကျော့ကွင်းတစ်ခုတွင် ခါတစ်ကောင်မိနေသည်ကိုတွေ့ရလေသည်။ သူသည် ထိုခါကို ကျော့ကွင်းမှထုတ်ယူပြီး သတ်ဖြတ်မည်ပြုသည်။ ထိုအခါ ခါငှက်က
''အသင်ငှက်ဖမ်းသမား အကျွန်ုပ်ကိုမသတ်ပါနှင့်။ အကျွန်ုပ်ကိုလွှတ်ပေးပါ။ အသင်၏ကျေးဇူးကိုဆပ်ပါမည်။ အကျွန်ုပ်သည် သင်၏ထောင်ချောက်တွင်းသို့ မြောက်များစွာသော ခါငှက်တို့ကို သက်ဆင်းအောင်သွေးဆောင်ပါမည်။'' ဟုတောင်းပန်ပြောဆိုလေ၏။ ထိုစကားကိုကြားလျှင် ငှက်ပစ်သမားက
''အကျွန်ုပ်သည် သင့်အားမလွှတ်ပေးနိုင်ပါ။ ယခုပင်သတ်ရပါလိမ့်မည်။ သင်၏အမျိုးပေါ် သစ္စာဖောက်သောစကားသည် သင်၏ကြမ္မာဆိုးကို ဖန်တီးလေပြီ။'' ဟုပြန်လည်ပြောလိုက်လေသည်။
Collapse...
